Урилга бэлэн боллоо

Хуримын урилга бэлэн боллоо. За ингээд Отгоо Сараа 2т маань гэр бүл болох өдөр улам л ойртоод байна. Болох зүйл болдгоороо болох байх. Сайхан хурим болох байх би итгэлтэй байна. Харин цаашдаа нэгэн бие болон нэгэндээ итгэлтэй нэгэндээ хайртай, халамжтай сайхан гэр бүл байгаасай гэж хүсэх л байна. Эзэний дотор эзэнтэй үргэлж хамт байвал энэ хоёр маань сайхан амьдрах байхаа. Та хоёртоо сайн сайхан бүхэнийг хүсэн ерөөе.

Урилга нь энэ байна. Хэр болж энэ урилгыг гэрлэх гэж буй хоёр хос маань л чимсэн байна шүү.

Хайрын талаар сургаалт үгс

Сургаалт vгс 22:1
Сайн нэр нь агуу баялгаас ч дээр.
Таалал нь алт мөнгөнөөс ч дээр.

Сургаалт vгс 27:6
Анд нөхрийн чинь учруулах шарх итгэмжтэй,
харин дайсны чинь үнсэлт заль мэхтэй юм.

Сургаалт vгс 21:21
Зөв шударга ба үнэнийг хайдаг хүн нь
амь, зөв шударга, хүндэтгэлийг олдог.

Сургаалт vгс 27:5
Далдлагдсан хайраас ил зэмлэл нь хавьгүй дээр.

Сургаалт vгс 17:9
Нүгэл хилэнцийг далдлагч хайрыг эрдэг. Харин хэргийг
дахин дахин ярьдаг хvн дотны анд нөхдийг салгадаг.

Сургаалт vгс 15:17
Yзэн ядалтаар бордсон тарган шарын махнаас,
хайр буй газрын өвсөн хоол нь дээр.

Сургаалт vгс 10:12
Yзэн ядалт нь эвдрэлцлийг төрүүлдэг бол
хайр бvх нүгэл хилэнцийг далдалдаг.

Сургаалт vгс 4:23
Юуны түрүүнд зүрхээ хамгаал. Учир нь
түүнээс амийн булгууд ундран гардаг юм.

Хурим

Хуримын ерөөл

Амраг хосын хайрын сэтгэлээс мандах
Алтан шаргал зүстэй наран юм шүү
Аавын охиныг хайрлан жаргана гэдэг чинь
Алаг энэхэн хорвоогийн жргалан юм шүү

Уйлах инээх үедээ ч цугтаа байж
Унах босох үедээ ч хамтдаа байж
Үрсийнхээ дуунд хайрын илч нь нэмэгдээд
Өргөө цагаан гэртээ төвшин сайхан жаргаарай

Энхрий хосын янаг зүрхнээс ургасан
Ээдэм цагаан өнгөтэй саран юм шүү
Ээжийн охиныг түшиж жаргана гэдэг чинь
Эргэх цэнхэр дэлхийн жаргал юм шүү


Уйлах инээх үедээ ч цугтаа байж
Унах босох үедээ ч хамтдаа байж
Үрсийнхээ дуунд хайрын илч нэмэгдээд
Өргөө цагаан гэртээ төвшин амгалан жаргаарай

Хайртай хосын аясыг дагаж эргэсэн
Хатан сүйхэн хээтэй орчлон юм шүү
Ханийн энгэр түшиж жаргана гэдэг чинь
Ханагар баян амьдралын жаргал юм шүү

Уйлах инээх үедээ ч цугтаа байж
Унах босох үедээ ч хамтдаа байж
Үрсийнхээ дуунд хайрын илч нэмэгдээд
Өргөө цагаан гэртээ төвшин амар жаргаарай

Хуримын урилгын үг

Өвөг дээдсийнхээ ёсыг дагаж
Өөдөө ассан галаа бадрааж
Өрх гэрийнхээ үүдийг татаж
Өлгийтэй үрийнхээ дууг снсохоор
Айл боллоо бид хоёр

Ховор эрдэнийн үнэтэй
Залуу сайхан нас
Хосоор амьдрах жамтай
Замбуу тивийн ёс
Урьсан бидний ураг батжиж
Уригдсан зочдын өлмий бат оршиг

Насанд энхжин, жарган дэлгэрэхийн
Хишиг буян, ерөөлийг айлтган
Наран хотолсон халуун голомтдоо
Хүндэт зочдоо өөдөө залъя!

Тоонот гэрээн барьж
Тогтуун жаргалтай амьдарюү гэлээ
Тулгандаа галаан бадрааж
Түвшин жаргалтай амьдарюү гэлээ
Өргөө гэрээн барьж
Өнөд жаргалтай амьдарюү гэлээ
Үүрдийн ариун хайраар
Үрсээ өсгөн мөнхөрюү гэлээ

Ховор эрдэнийн vнэтэй залуу сайхан нас
Хосоор амьдрах жамтай замбуу тивийн ёс

Урьсан бидний ураг төрөл батжиж
Уригдсан таны ерөөл бат орших болтугай.

Өвгөдийн шийрлэсэн хасагт тулганд
Өөдөө цоролзсон галаа өрдөж

Өрхөн дээр цугласан Долоон бурханд
Өлгийтэй vрийнхээ дууг сонсгохоор
Айл боллоо…

Эцгийн ариун голомтыг
Ган тулгандаа бадрааж

Золгон учирсан энэ өдрөөс
Зочин таны сайхан ерөөлөөр

Ургийн холбоо батжих болтугай
Удмын өлзий дэлгэрэх болтугай

Нарт хорвоогийн буяныг эдэлье
Насан туршид хамтран жаргая…